Iceland Innovation Week var haldin í Reykjavík dagana 13. til 16. maí síðastliðinn. Um 3.000 manns sóttu í kringum 700 viðburði vikunnar og kenndi þar ýmissa grasa. Að þessu sinni fór aðaldagskráin fram í Kolaportinu og Hafnartorgi auk þess sem hliðarviðburðir út um allan bæ voru vel sóttir.
Nýsköpunarsjóður tók að sjálfsögðu þátt í Nýsköpunarvikunni og þar á meðal með viðburðunum „Investor Playground“ með Nordic Ignite og „Intellectual property rights: From idea to commercial success!“ með Nýsköpunarnefnd FKA, félagi kvenna í atvinnulífinu og HØIBERG.
Við viljum óska þeim Eddu Konráðsdóttur og Melkorku Sigríði Magnúsdóttur, stofnendum Nýsköpunarvikunnar, innilega til hamingju með stórkostlega viku og hlökkum til að taka þátt í henni á næsta ári.
