Þann 9. nóvember síðastliðinn var viðburðurinn Nordic Women in Tech Awards haldinn og í þetta sinn á Íslandi. Um er að ræða árlegan viðburð sem hefur það markmið að auka sýnileika framúrskarandi kvenna í tæknigeiranum og hvetja fleiri konur til að sækja í tæknistörf.
Nordic Women in Tech Awards er samstarfsverkefni norrænna samtaka sem eiga það sameiginlegt að beita sér fyrir fjölgun kvenna í tæknistörfum og fjölga kvenfyrirmyndum í tækni. Á viðburðinum eru veittar viðurkenningar í ellefu flokkum. Á meðal þeirra sem voru tilnefndar var Hrönn Greipsdóttir, framkvæmdastjóri Nýsköpunarsjóðs í flokknum „fjárfestir ársins“. Einn verðlaunahafanna er frá Íslandi og það er Safa Jemai forstjóri og stofnandi Víkonnekt. Nýsköpunarsjóður óskar henni hjartanlega til hamingju með viðurkenninguna.
Women in Tech advocate of the year - Helena Sveinbjörg Jónsdóttir, stofnandi ADA konur & Fjármálaportið
Rising star of the year - Safa Jemai, forstjóri, stofnandi Víkonnekt
Mentor of the Year - Þorbjörg Sæmundsdóttir, fjármálastjóri CCP
Investor of the Year - Hrönn Greipsdóttir, framkvæmdastjóri Nýsköpunarsjóðs atvinnulífsins
Innovator of the Year - Joice Ozaki, vörustjóri Controlant
Initiative of the Year - /sys/tur Nemendafélag
Entrepreneur of the Year - Margrét Anna Einarsdóttir, stofnandi og forstjóri Justikal
Diversity leader of the Year - Ellen Ýr Aðalsteinsdóttir, framkvæmdastjóri Mannauðs og menningar hjá OR
Digital leader of the year - Adeline Tracz, verkefnastjóri og teymisstjóri yfir stafrænni þróun hjá Landspítalanum
Developer of the Year - Violette Riviere, Lead Mobile Developer hjá Sidekick Health
Liva Echwald Awards - Anchola Otieno
