Nýverið hlaut Atmonia ehf. viðurkenningu úr Nýsköpunarsjóði dr. Þorsteins Inga Sigfússonar. Tilgangur sjóðsins er að styrkja efnilega frumkvöðla og auka áhuga á nýsköpun.
Atmonia er íslenskt sprotafyrirtæki sem þróar sjálfbært ferli fyrir ammoníaksframleiðslu og er félagið í eignasafni Nýsköpunarsjóðs atvinnulífsins. Markmið Atmonia er að draga verulega úr losun gróðurhúsalofttegunda með nýjum sjálfbærum tæknilausnum á sviði ammoníaks- og nítratframleiðslu.
Lesa má nánar um viðurkenninguna úr Nýsköpunarsjóði dr. Þorsteins Inga Sigfússonar á vef Háskóla Íslands www.hi.is.
Við óskum þeim í Atmonia innilega til hamingju með viðurkenninguna.
