Marea

Marea ehf. er sprotafyrirtæki í líftækni sem sérhæfir sig í að þróa umbúða(lausar)lausnir úr þörungum. Marea nýtir hrat úr þörungarækt Algalíf til að vinna þurrefni sem blanda má með vatni og spreyja á ávexti og grænmeti til að lengja líftíma þeirra. Um er að ræða hringrásarhagkerfi þar sem hrat er notað til verðmætasköpunar og getur Marea leyst af hólmi stóran hluta af plastnotkun bænda. Marea hefur einnig þróað Þaraplast, niðurbrjótanlegt lífplast úr þara. Markmiðið er að Þaraplast eða lífplast úr þara verði staðgengill einnota plasts í pökkun matvæla. Þari er einstök endurnýjanleg uppspretta sem er tilvalin til að búa til náttúrulegt plastefni.