ArcanaBio

ArcanaBio þróar lausnir sem greina lífmerki úr munnvatni, sambærilegar við greiningar á blóði. Um er að ræða einfaldari, hraðari og ódýrari greininga sem krefjast minna inngrips og kostnaðar sem fylgja blóðsýnatöku. ArcanaBio vinnur að tækni sem hægt er að nota markvisst í baráttunni gegn sýklalyfjaónæmum bakteríum og öðrum smitsjúkdómum sem herja á samfélagið okkar og innviði þess. Fyrirtækið hefur verið í góðu samstarfi við Sýkla-og veirufræðideild Landspítalans á síðustu árum og er með rannsóknaraðstöðu og skrifstofu innan spítalans. Teymi ArcanaBio hefur jafnframt leitt samanburðarrannsóknir á munnvatnsaðferð félagsins í samstarfi við Landspítalann, m.a. fyrir Covid-19 með góðum árangri. Teymið býr yfir góðri reynslu og er með mjög sterkt ráðgjafaráð sem samanstendur af sérfræðingum hérlendis og erlendis.