Tulipop

Fyrirtækið Tulipop var stofnað af Signýju Kolbeinsdóttur og Helgu Árnadóttur með það að markmiði að búa til séríslenskan ævintýraheim byggðan á teikningum Signýjar. Tulipop er skemmtilegur og skapandi ævintýraheimur nefndur eftir eyjunni Tulipop. Á eyjunni búa heillandi verur með ólíka persónuleika. Vörulínan inniheldur vandað úrval af borðbúnaði, húsbúnaði, ritföngum og fylgihlutum, hefur hlotið lof víða um heim og unnið til alþjóðlegra hönnunarverðlauna. Stuttar teiknimyndir á netinu sýna líka heim Tulipoppara.